Get Adobe Flash player
АУ УР "Ӟечбур!"

Ваньмы вераськом шуныт кыл

 Трос дышетӥсьёс пӧлысь милям висъяммы потэ кунсьӧр кылъёсъя визьнодасьмес, классэн кивалтӥсьмес Людмила Николаевна Сунцоваез. Коньывуон толэзе со вордӥськем нуналзэ пусйиз. Ӟечкыласа но гажаммес вераса, таӵе аспӧртэмлыко сочинение кылдытоно кариським. Котькудӥзлэн чебер но шуныт кылъёс верамез потӥз солы, соин ик нимаз ӧм гожъялэ – быдэс классэн.
Сяськаос кузьмаськомы
Усто дышетӥсьмылы!
Нимыз но солэн мусо.
Цель пуктӥз ке, быдэстоз.
Одӥг со милям сыӵе,
Вань ужзэ усто лэсьтэ.
Анай кадь милем потэ!

 

Лулысь-сюлмысь тыршемез
Юрттэ вормон басьтыны.
Дышетэ ӟеч сямъёслы -
Ми но юрттӥськом солы!
Ивортэ со трос выльзэ,
Лэсьтэ яратон ужзэ.
Анай кадь ик сюлмаське…

 

Нодлыко ужаменыз паймытэ ваньмес,
Иностранной кылъёсын со сына визьмес.
Куддыръя урокъёсын йыркуро луэ,
Озьы ке но
Либатӥсь, ӟеч сямыз ворме.
Азьтэмлы уг сётскы со, котьку учкымон,
Егит мылкыдзэ ноку уз зӥб пересьмон.
Вормонъёсмес сӥзёмы дышетӥсьмылы,
Нималомы ми сое:
Анаймы, ӟечмы!

8-тӥ классын дышетскисьёс.
Ключи шор ёзо школа.
Глазов ёрос.

Подкатегории