АУ УР "Ӟечбур!"

Пиналъёсылэн вераськемысьтызы

Даниилы 4 арес, киыз гипсэн бинемын. Гипс улын киыз лыдэмысь куаретэ:
– Мон вылтӥ кузьылиос ветло, мон сисьмисько ни.

* * *
Бакчаысь бызьыса пыре:
– Мама! Отын курегъёс жугисько.
– Курегъёс яке атас куреген?
– Атас куреген. Атас курег вылэ султӥз но сое сие.

* * *
Даниил:
– Мама, потягушечки кар мыным.
– Изиськод на.
– Уг изиськы ни, синъёсы кынемын ӧвӧл, ӝуатӥ ни.

* * *
Яна агайзэ шудыны ӧте.
– Сяс, Яна, телевизор учкыса быдтом но шудом, ява.

* * *
Атаймы сугон сузяз но, Яна сое куриз.
– Пӧсь, – сялӟиз кӧня ке сыс-кемез бере.
* * *
Яна, 3,5 арес.
– Ми туннэ мунчое мыном-а?
– О-о.
– А мунчо пӧзьтэмын-а ни?

* * *
Веник керттӥсько. Пӧлазы сутэр вай, виртурын тырисько. Нылы юрттэмъяське, ваньзэ огазе каре. Мон солы валэктӥськӧ
– Таосты, нылы, нимаз-нимаз кароно. Валад-а?
– Валай – нимаз-нимаз. Нош кытын соослэн нимзы?
* * *
Ангелиналэсь йырсизэ сынасько.
– Мыным трос резинка эн поны, ява, – куре дыдые.
– Малы?
– Сэре мыным секыт луоз ук.

* * *
Ангелина майонез куре.
– Нош малы тыныд майонез?
– Мон соин нянез ӵушыло.

Люказ Эльвира Симакова.