Get Adobe Flash player
АУ УР "Ӟечбур!"

ПАЙМИСЬКО...

IMG 2159Газетмылэн 1-тӥ номераз Дэри черкогуртысь автормылэн Р.К. Моториналэн «Паймисько...» нимын ужез печатласькиз вал. Солэсь малпанъёссэ азинтыса, ас паймонъёссэ шарая Якшур-Бодья ёросысь Мукши гуртысь арлыдо лыдӟисьмы Римма Ивановна Шкляева.

Азьланьтонэз

Героен пумиськытӥз... ТЕЛЕФОН

1-013Ӟечбур!» газет дораз вуэмысь паймеменыз, Завьял ёросысь Юськи гуртысь Мира Васильевна Иванова редакцие жингыртытэк ӧз чида.
– Ӧз яра шат? – йырам шуак таӵе юан куриськиз. Ма, трубкаез ӵапак ачим кутыны шедьтӥ угось.
– Туж яраз. Вань тямыс бамъёссэ ик огшокчемен сямен шумпотыса лыдӟи. Азьвыл «Дась лу!» газет табере тазьы нимаське-а? Кызьы бен ай со мон доры вуылыны кутскиз?
– Ижкарын улӥсь ӟуч кенды гожтӥськиз. Ми соин ӵош С.Л. Скопкарёваез ӟечкылан ужрадын вал. Городын улӥсь ӟуч тодосчи газетмес мыло-кыдо лыдӟе шуыса верамысьтым, мон но, пе, картэлэн анаезлы гожто ай, со лыдӟиськыны яратэ, туж шумпотоз удмурт газетлы.
Мира Васильевналэсь шумпотэм мылкыдзэ тодыса, та черкогуртын улӥсь дышетӥсь П.В. Давыдов солэсь юалляськоно кариськиз. Кызьыгес пӧрмиз вераськонзы – тодматске.

Надежда ЛОПАТИНА.

Быдэс текст

"Сюрногурт сир"

IMG 4196Дэбес ёросысь Сюрногурт школалэн кызьы улэмез, маин шокамез сярысь тодыны луэ школа газет пыр. Асьсэлэсь газетсэс литературно-творческой кружоке ветлӥсьёс «Сюрногуртская смола» нималлям. Ӟуч кылъя но литературая дышетӥсь Анна Алексеевна Сунцова пиналъёслэсь гожъяськон мылкыдзэс пуромытон, быгатонлыкъёссэс азинтон вылысь, газет поттон борды басьтӥськем. Нимзэ тямыс ар талэсь азьвыл Алёша Поздеев малпам. Сир – со лякиськись маке, ваньзэ огинэ карыны, люконтэм герӟаны быгатэ. Газет но озьы ик ас котыраз лыдӟисьёссэ люка. Сое нылпиос но, дышетӥсьёс но яратыса лыдӟо. Газетсы угось вылтусын но чебер: яркыт буёло, умой бумага вылын потэ. Таиз ар Кинолэн ареныз ялэмын. Сюрногуртысь егит литераторъёс одӥгзэ номерзэс быдэсак та темалы сӥзизы. Татын соос учкем кинооссылы дунъет сёто. Гожтэм ужъёсты лыдӟыса, валан кылдэ: пиналъёс азьвыл киноосты но, туалаоссэ но ӟеч тодо.

Антонида ЕРМОЛИНА.

Кылбура но, крезьгура но

 DSC 0091
В.С. Крестьянинов пенсие потытозяз Грах ёросысь Вылӥ Эгра школаысь нылпиосты математикалы но крезьгурлы дышетӥз, ваньмон дыръяз нош культурая юртысьтызы «Эгра кенакъёс» фольклор коллективен кивалтӥз. Пенсие потыса но соосын уг люкиськы.

 Кивалтоно коллективез пӧртэм конкурсъёсы, смотръёсы, Гербере пыриськылэ, элькунысьтымы ёросъёсы, бускель Татарстанэ поталля. 2007-тӥ арын «По соседству мы живём» телепередачае но пыриськизы.
 Виктор Селивёрстович удмурт кылбурчиослэн чуръёссыя кырӟанъёс кылдытъя, ачиз но кылбура.

Кылбуръёсыз

Азьланьтӥське "Эскере тодэмдэс" конкурс

1. Кызьы нимаське кык пӧртэм упражнениослэсь ӵошатскон:
 двоеборье;
 единоборство;
 многоборье?

2. Кызьы нимаське Россиын печатлам нырысетӥез книга:
 «Апостол»;
 «Библия»;
 «Летопись»?

3. Кыӵе музъемез усьтӥз Ермак:
 Аляскаез;
 Курил шормуӵъ-ёсты;
 Сибирез?

4. Славянъёслэн валтӥсь Инмарзы:
 Зевс;
 Осирис;
 Перун?

5. Кыӵе чорыгез адямиос гуртазы вордо:
 зеркальной карпез;
 сомез;
 чипеез?

6. Таос пӧлысь кудӥз тужгес зӧк:
 бамбук;
 баобаб;
 тыпы?

7. Кыӵе вӧй уг ӵынды:
 кокосовой;
 оливковой;
 сема вӧй?

8. Кыӵе будос тысез капчиен пӧрмытыны луэ кампетлы, ӟазег, курег сӥльёслы но йӧллы:
 кофеез;
 фасолез;
 сояез?

9. Кызьы нимало Карабас-Барабаслэсь юрттӥсьсэ:
 Дуралей;
 Дуремар;
 Дуролом?

10. Кыӵе нимо гном ӧй вал Белоснежкалэн сизьым эшъёсыз пӧлын?
 Весельчак;
 Ворчун;
 Плакса?

11. Ку Барбилэн «вор-дӥськем» нуналыз?
 9-тӥ мартэ 1959-тӥ арын;
 9-тӥ пӧсьтолэзе 1859-тӥ арын;
 9-тӥ толшоре 1966-тӥ арын.

8-тӥ номерын сётэм юанъёслы шонересь валэктонъёс ыстӥз Шаркан ёросысь Зюзино школаысь Настя ИВАНОВА. Юанъёслэн авторзы Н.Н. Емельянов автографеныз книгазэ тыныд кузьма.
Та юанъёслы котькинлэсь ӝог шонер валэктонъёс ыстэм лыдӟисьмы озьы ик кузьым утоз.

Дасяз
Надежда ШКЛЯЕВА.