Get Adobe Flash player
АУ УР "Ӟечбур!"

Чик но ӧз куректэ

   Инесса Зидамакова но Настя СамигуловаИнесса Зидамакова но Настя Самигулова — двоюродной сузэрен апайёс. Соос Кам сьӧрысь башкир музъем вылын уло. Кыкназы ик школаын «витьёслы» дышетско, пӧртэм ужрадъёсы мылысь-кыдысь пырисько. Соин ик та нылъёс гужем «Шундыкар» лагерьын шутэтскизы. Инесса – «Фольклор», нош Настя «Куро мунё» отрядын. Пӧртэм отрядъёсын  вал  шуыса,  сузэръёс чик но ӧз куректэ. Соослэн уго котьку но ог-огенызы адӟиськыны луонлыксы вал. Трос выльзэ, паймымонзэ тодыса, выль эшъёс шедьтыса, дышетскыны кужым люкаса бертӥзы нылъёс доразы. Та дыре соос нош ик «витьёсын» эшъяськон но ӟеч тодон-валан люкан сярысь сюлмасько.

 

Паськыт вамыштод — штаньдэ кесёд

Сергеева Настя     Настя Сергеева «Шундыкаре» нырысьсэ ветлӥз. «Та лагерь сярысь трос кылылӥ ни вал но, ас синмыным адӟеме-тодэме потӥз, кыӵе-мар со «Шундыкар», — вераз Настя. — Туж шумпотӥ татчы вуэмелы, «Телерадиожурналистика» отрядэ шедемелы».
    Нылаш Игра ёросысь Сеп гуртысь вуэм. Лагерьын журналист луон мылкыдыз уката юнмам. Сӥзьыл Настя 11-тӥ классэ мыноз. «Дышетскон борды эшшо но юнгес кырмиськоно луоз, ЕГЭ-осме умой сётыса, УдГУ-э пырыны мед быгатом», — мылкыдзэ усьтӥз нылаш.
    «Нош малы одно УдГУ-э? Москваын, Питерын но журналистика факультетъёс вань ук», — вазиз вӧзамы сылӥсь Паша Вахрушев.
    «Нырысь УдГУ-э пыро, собере вылэгес тубо. Паськыт вамыштод — штаньдэ кесёд», — ма вераны ӧз ӟуды Настя.