Get Adobe Flash player
АУ УР "Ӟечбур!"

"Ойдолэ, эшъёс, ӵужанай доры..."

43 «Ойдолэ, эшъёс, ӵужанай доры, татын улон майбыр! Шунды пиштэ, ву киськало…», – тазьы кеськыса, эшъёссэ ӵужанайлэн сад-бакчаяз ӧтиз Узы. Ачиз со татчы чакласькыны шуыса вуиз вал, сокем синмаськиз ӵужанайлэн бакчаезлы, чильпырась вуэн пызйись фонтанлы, эшъёсызлы но возьматэмез потӥз. Озьы нюлэс узыос ӵужанай доры выжыяськизы. Нош ӵужанай ӧтьымтэ-витьымтэ куноосызлы шумпотӥз. Нунокъёссэ но нюлэскысь вуэмъёсын тодматӥз, соосты утялтыны, вылазы ву киськаны кулэ шуыса индылӥз», – ваче син вераськыса пуконъямы ик таӵе выжыкыл малпаз Иллика.

Быдэс текст

"Вунонтэм гужем" конкурслы йылпумъянъёс

Гужем со – нап-ӵуж мылкыдо, мушъёсын лекаськись, вал вылысь уськытъясь, модельлы пӧрмытъясь, жуг-жаген, колорад бӧчыен ожмаськытӥсь, пис-пуос улысь ватосъёс утчатӥсь, чилясь турын пӧлысь но ву вылысь сяськаосын, выль эшъ-ёсын тодматӥсь, бызьылонъя ӵошатсконъёсын медаль сётъясь, лэчыратӥсь, пӧсьсэ жалятэк кузьмась, ву тулкымъёс вылын веттась, пӧртэм каръёсы, лагерьёсы вуттӥсь, йырсиез вакчиятӥсь, вожатойын ужатӥсь, беризь йылэ тубатӥсь, Чеберай доры сюрес возьматӥсь… веськрес мугоръем «бурдо нылаш». Тӥни кыӵе гужем сярысь ми тодӥмы, «Вунонтэм гужем» конкурсамы вуэм 59 ужъёсын тодматскыса. Конкурсэ пыриськисьёс, азьвыл аръёсын ӵошатыса, туэ данаклы тросгес вал. Пӧсь гужем кемагес ик жальматыса возем, шӧдске, пиналъёсты. Ужъёсты гудырикошкон толэзе гинэ вуылыны ӧдъязы, данакез – куарусёнэ. Газет баме соос ваньмыз ӧз шеде ке но, йылпумъянъёс лэсьтыку, ваньмыз ик лыдэ басьтэмын вал. Гужемез кылбурен данъясьёсмы туэ ӧжытгес вал, соос пӧлысь устоен лыдъямын Карина Кочановалэн (Чем.-Куюк школа, Алнаш ёрос) ужез. Буёл пыр но гужемез возьматыны мылкыд карисьёсмы сокем трос ӧй вал. Соос пӧлысь бырйимы Лида Васильевалэсь (Комак школа, Можга ёрос) суредъёссэ. Выжыкылэз понна 1-тӥ интыен пусйимы Полина Почеговаез (Ижкар). Нош заметка гожтӥсьёс пӧлысь устооссэ бырйыны шуггес луиз. Та жанрен гожтэм ужъёс ваньмызлэсь трос вуизы. Пастухамез сярысь тунсыко гожтыны быгатэм Коля Соснов (Чем.-Куюк школа, Алнаш ёрос). Та школаысь ик гужем ужам лагерьзы сярысь туспуктэмъёсын заметкаез но пусйытэк кельтыны уг луы, Чеберай доры вуылэмзы сярысь гожтэм Настя Смирнова. Гужем нуналэ луылэм учыръёссэc син азе пуксьымон гожтыны быгатӥллям Наташа Кириллова (Пичи Пурга ёрос, Шоринь Юри гурт), Лида Некрасова (Пичи Пурга черкогурт), Настя Давыдова но Даша Иванова (Юськи школа, Завьял ёрос), Настя Голубина (Быги школа, Шаркан ёрос), Алёна Мохова (Подшивал школа, Завьял ёрос).
Вормисьёсты ӟечкылаломы 19-тӥ коньывуонэ 11 часын, Ижкарысь калык творчествоя «Спартак» юртын.
Татын ик данъямын луозы “Мынам убое” конкурсын вормисьёс. Йылпумъянъёсын тодматскоды вуоно номерын.
Мыноно 7, 11, 21 номеро автобусъёсын “Администрация Ленинского района” дугдылонниозь.

Дас одӥгетӥез вай яке ватскыса арган кыскась

IMG 3530Павел Кутергинэн Чайковскийын тодматским, угось со гужемъёсы 2008-тӥ арысен отысь санаторийын ужа. Вотка карысь колледжын дышетскыкуз, практиказэ ӵапак татын ортчытӥз уго. Пиналъёс сое гажало, котыраз карисько, угось со егит, тунсыко, утчаськись. Вордӥськем Шаркан палъёсаз лулчеберет удысын выллань тубыны кутскиз ни ке но вал, улонысьтыз мае ке но воштоно шуыса малпаз. Малпаз но лэсьтӥз.

Быдэс текст

Гужем но тэк ӧз улы

Гужем но тэк ӧз улы

37 10917Пичи Пургалась Лида Некрасова туэ сизьыметӥ классын дышетске. Синмаськод та нылашлы, котьма ужлы кибашлы. Кылем дышетскон арын крезьгуръя школаез йылпумъяз. Гужем но тэк ӧз улы, нылпи творчествоя юртэ, «Бабушкин фольклор» кружоке, ветлӥз. Отын соос, пересьёслэсь юалляськыса, узыр тодон-валан басьтӥзы. Тодӥзы, кызьы шудылӥллям азьло дыръя, кыӵе шудонъёс лэсьтылӥллям. Верамъёссэс гожъяса кельтӥзы. Бӧрысь кружокын асьсэос шудонъёс лэсьтыса утчазы. Пӧрмытӥзы ведь! Быдэстэм киужъёссэс, возьматон вылысь, доразы нуллӥзы.
Гудырикошкон толэзе Нылпи творчествоя юрт «Меридиан» лагерь радъялляз. Лида отчы но ветлӥз. «Туж кельшиз та лагерь, трос эшъёс шедьтӥ. Люкиськон ӝытамы бӧрдӥм но. Табере «ВКонтакте» пыр кусып козиськом. Гужеме туж пайдаё ортчиз бере, школае умой мылкыдын вамыштӥ», – мылкыдзэ усьтэ нылаш.
Нина Шутова.

Туспуктэм вылын: Лида Некрасова но Юлия Соломенникова быдэстэм ужъёсынызы.

 

Тодматске юнкормылэн выль уженыз.

Кызьы мытӥм, озьы ик азинтом

 

1-тӥ классэ лыктэмъёслы 1-тӥ куарусён сяськаосын, ӟечкыланъёсын но чингыли куараен тодазы кылиз, дыр. Нош ми классэнымы походэ ветлӥм. Анай-атайёсмы ми понна «Квест-шудон» радъязы. Асьсэос но отчы пыриськизы. Куинь командаослы люкиськыса, ми ватос утчамы. Нокудмы но ӧм тодэ, мае ми шедьтыны кулэ, соин ик «ватскемысь потэм» куинь бадӟым арбузъёс ваньмылы витёнтэм шорысь луизы. Туж шумпотӥмы. Гужем ортчиз ке но, сӥзьыллэн нырысетӥ нуналэз милемыз ческыт кузьымен шумпоттӥз.
Походын ми озьы ик тупен шудӥмы, пыжем картошка, сосиска сиимы но ческыт чай юимы.
Шуо, кызьы, пе, мытод дышетскон арез, озьы ик сое азинтод. Нырысетӥ дышетскон нуналмы милям туж тунсыко но вунонтэм ортчиз. Анай-атайёсмылы но классэн кивалтӥсьмылы Любовь Фроловна Любимовалы милемлы быдэс арлы ӟеч мылкыд кузьмамзы понна бадӟым тау!
Лида НЕКРАСОВА, 8-тӥ класс.
Пичи Пурга черкогурт.

Эрик сетӥсь бурдъёс

37  2«Бурдъёс – со эрик. Соос тынад вань ке, быгатӥськод котькытчы лобœыны. Со – луонлык: ас малпанъёстэ вераны, мылкыддэ шараяны, улонысь огшоры учыр сярысь гожтыны», – пусйиз вал Маша Золотарёва аслаз блогаз. (Азьланяз но пумиськылӥсь курсивен сётэм люкетъёс Машалэн блогысьтыз басьтэмын. – Авт.) Эрик сётӥсь бурдъёсыз солы калыкен ужаны, проектъёс малпаны, дуннеез котыръяны юртто.

Быдэс текст