Get Adobe Flash player
АУ УР "Ӟечбур!"

Туж но туж йӧно уж

    Котькуд сӥзьыл уж дорысьтым эшъёсы коньыгуби бичам шуыса ушъяськыло. Нош мынам тамында улытозям со ӵыжыт губиосты ноку но бичаме ӧй вал на. Нюлэскы котькуд сӥзьыл ветлӥсько ке но, пӧртэм-пӧртэм губиосты пичи ведралэн ӝыныезлэсь тросгес ноку уг шедьтӥськы. Дорам бертэме бере, со пӧлысь но ӝынызэ сиёнтэм шуыса куяло на. Соин «ведраосын, мешокъёсын губи бичам» шуисьёслы ноку но ӧй оскылы. Нош туэ мон сомында коньыгубиосты адӟи! Мотоблокен гырыса поттэм удалтэм сортовой картофка мында. Фотоаппаратэ сьӧрам ӧй вал шуыса, вить пол жаляй ини. Кин ачиз сыӵе суредэз ӧз адӟы на, мыным но уз оске ни, дыр.

    Губи бичаны бен нош ик трос ӧй быгаты, пичи ведраен гинэ нюлэскы мынӥ вал уго. Озьы ке но уг куректӥськы, сыӵе чебер суредэз адӟыса, мылкыды бурдъяськиз. Тӥледлы но табере дэмланъёс сётэме потэ, кызьы трос губиё интыосты шедьтоно.
  Нырысь ик, нюлэскы ужан дӥсен мыноно. Капрон колготки но каблуко туфли кутчаськод ке, ачимъя тодӥсько, уг удалты. Губи ассэ гажаны косэ. Сое утчан со огшоры поръян но чылкыт омырен шокан гинэ ӧвӧл уго. Со туж но туж йӧно уж.
    Кыкетӥез, нюлэскы вазь ӵукна мыноно. Оломаиз оломар, нуназе бере потӥськод ке, губиос пегӟо. Татын но асьсэдыз гажатон сямзы шӧдӥське. Губиос доры изёндэ но куспетӥ карыса, вань ужъёстэ лэсьтэмедлэсь азьло, мыноно. Нош коньыгуби уката йӧно вылэм ук. Мукет губиослы йыбыртъяно луэ ке, таиз котырын пыдесъяськыса ветлоно вылэм. Нюжтӥськыса ветлонъяд, кызъёс вайёсынызы тыбыр кузяд но, ымнырад но сётъялозы. Чидаськод ини, кытчы пырод. Гордъёс юн но йӧно сямо луо шуыса кылэм вал ини. Губиос пӧлын но со шӧдӥське вылэм, паймод.

 

Пичи ЗАРНИ ПЕРЕПЕЧ
Пичи ЗАРНИ ПЕРЕПЕЧ

Ми контактын