Get Adobe Flash player
АУ УР "Ӟечбур!"

Чакласькись, лэсьтӥськись… кузьылиос

     Натӥ ӵужанаеныз шонер сюрестӥ, нюлэс пыр, куноысь бертыны потӥзы. Шуак оломар ӝужда кузьыли кар шоры ӝимизы.
   – Ӵужи, учкы али! Бадӟым ке бадӟы-ым! – кузьыли муӵ котыртӥ берга Натӥ. – Кызьы та пичи кибыос сыӵе ӝужыт корка пукто?
   – Кузьылиос чик тэк уг уло, – вераз Олён апай, – ялан тыршо. «Кузьыли кадь ужась» шуыса веран калыкын юнме вӧлмемын ӧвӧл. Соослэн вань ужзы куспазы люкемын. Тужгес сэзьёсыз но шумпричъёсыз – чакласькисьёс (разведчикъёс). Соос сиён-юон утчало но шедьтэм интызэс ӵыжы-выжыоссылы иворто. Ужась (рабочий) кузьылиос соку ик сиён ворттыны мыно. Кузьыли кар
   – Ӵужи, мон карзылэсь йылзэ ньӧрын вырӟытыны шедьтӥ но, кузьылиос, тӧдьы пузъёссэс кутыса, соку ик кир-пазь пегӟизы.
  – Нуись-вайись кузьылиос (носильщики) пи пузъёсты озьы асьмелэсь ватыны выро. Котькуд ӵукна соос пузъёсты вылӥе, шунды доры матэгес, тубытъяло, шунтыны выро. Нош ӝыт берен улӥе васькыто. Кин тодэ, уй куспын мар луоӟ зорыны шедьтоз, я кезьыт кариськоз. Вуоно кузьылиосыз утялтоно ук.
  – Учкы ай, учкы, кык кузьылиос пумиськизы но ог-огзэс мыйыкъёсынызы вешало! – серектӥз нылаш.
   – Кузьылиос озьы ог-огзэс зынъяло. Соос туж ляб адӟо угось. Но мыйыксылы луыса, пӧртэм зынъёсыз шӧдо. Али но тани, тон мынам ӵыжы-выжые яке мурт-а шуыса, тодманы туртто, дыр. Котькуд кузьыли карлэн аслыз гинэ тупась зыныз вань. Адямиос сое уг шӧдо. Нош кузьылиос солы луыса ик ог-огзэс тодмало, гуртазы сюрес но шедьто.
   – Нош марлы соослэн карзы сыӵе йылсо? – уг буйгатскы Натӥ.
  – Зор пушказ медаз пыры шуыса. Зор шапыкъёс туп музэн улӥе погыляло уго. Нош лэсьтӥськисьёссы кузьылиослэн визьмоесь. Асьсэос ик кыз лыс бичало, асьсэос ик корказэс чакласа, утялтыса возё. Карзы йыг-йыг мед сылоз шуыса, кыз яке пужым сирен сое зырало на.
   – Котьма ке но, толалтэ кезьыт. Кызьы меда уг кынмо?
   – Соослэн улон интызы кык. Музъем пушкын, одӥг но ӝыны, кык метр кемын, сюресъёссы-пасьёссы вань на. Сӥзьыл отчы васько но комокъёсы бинисько, дэмен шунытгес луэ. Озьы ик толъё.
   Натӥ нюлэскысь шыпыт бертӥз. Ужась кузьылиос сярысь тодэм-адӟемзэ со табере ноку уз вунэты ни.

Елена БОГДАНОВА.

bord

Туж но туж йӧно уж

    Котькуд сӥзьыл уж дорысьтым эшъёсы коньыгуби бичам шуыса ушъяськыло. Нош мынам тамында улытозям со ӵыжыт губиосты ноку но бичаме ӧй вал на. Нюлэскы котькуд сӥзьыл ветлӥсько ке но, пӧртэм-пӧртэм губиосты пичи ведралэн ӝыныезлэсь тросгес ноку уг шедьтӥськы. Дорам бертэме бере, со пӧлысь но ӝынызэ сиёнтэм шуыса куяло на. Соин «ведраосын, мешокъёсын губи бичам» шуисьёслы ноку но ӧй оскылы. Нош туэ мон сомында коньыгубиосты адӟи! Мотоблокен гырыса поттэм удалтэм сортовой картофка мында. Фотоаппаратэ сьӧрам ӧй вал шуыса, вить пол жаляй ини. Кин ачиз сыӵе суредэз ӧз адӟы на, мыным но уз оске ни, дыр.

Быдэс текст [...]

Пинал даур (Мувыр, 2012)
Пинал даур (Мувыр, 2012)

Ми контактын