Get Adobe Flash player
АУ УР "Ӟечбур!"

«Тунсыко улонлэсь куштӥськем уг лу ни»

   Тодматске – Рома Митрофанов. Ӟуч кылын вераськись пияш «Шудо егит дыр» лагере куинетӥзэ мылысь-Рома Митрофановкыдысьпыриськиз ни, лагерьлэн одӥгез яркыт кизилиез луиз.  Мар меда кыске сое удмуртлык борды?     «Выжыосыя мон чылк-чылк удмурт, – вера Рома. – Но жаляса верано, пичи дыръям анай-атае монэн удмурт сямен ӧз вераське, эшъёсы но ваньмыз ӟучъёс, соин ик та дырлы вераськыны шугъяськисько». Озьы ке но пияшлэн анай кылзэ дышетыны мылкыдыз пуромемын, со понна вуоно арысен со удмурт кылъя курсъёсы гожтӥськыны малпа. 

 

   Удмуртлыкен тунсыкъяськонэзлы кутскон ӵапак «Шудо егит дыр» лагерь сётӥз. «Лагерез радъясь Лариса Ускова юрттӥськыны гинэ ӧтиз вал, – мыня Рома. – Нош мон – «выйи»… Куинь ар ӵоже сыӵе тунсыко удмурт егитъёсын тодматски! Удмурт кылын верамъёсты троссэ валаны кутски, вераськыны но кӧня ке вырисько ни. Со сяна, Ижкарын ортчылӥсь ужрадъёсы но калленэн кыстӥськи. Удмуртъёс пӧлын асме шедьтӥ кадь. Кышно но одно удмуртсэ гинэ басьто!».
    Ачиз Рома туэ ИжГСХА-ез быдтӥз, аспирантурае дасяське. Отын но со мыло-кыдо луэмзэ возьматыны быгатӥӟ агроинженерной факультетысь студентъёслэн огазеяськонзылэн тӧроез вал. Солэн кивалтэмез улсын тулыс ортчем ужрадын факультетсы нырысетӥ интые потӥз.
    – Мыло-кыдо луэмед кытысь потэ меда?
    – Пичи дырысен ваньмыз кутске, дыр. Пичи дыръям ик мон спортэн юн эшъяськи, КВН-ын шудӥ, куинь ар классэлэн тӧроез вал… Сыӵе тунсыко улонлэсь куштӥськем уг луы ни.
    Удмурт кылэз дышетонын азинсконъёс гинэ сӥзьыны кыле на тыныд, Рома!

 

 

Ӟеч-а, бур-а, гужеме! (Ив.-Самарск)
Ӟеч-а, бур-а, гужеме! (Ив.-Самарск)

Ми контактын