Get Adobe Flash player
АУ УР "Ӟечбур!"

Арганлэн гурез вираз пыӵамын

Андреев Владислав    Ми дорын куноын Владислав Андреев – кырӟась, Кузёбай Герд нимо кун йӧскалык гимназиын ужась.
    Калыкын вералӧ уж дурад, пе, гуртад кадь мед ветлод. Кузёбай Герд нимо гимназие котькуд нунал ӵапак озьы вамышъя Влад Андреев. «Уже туж кельше, — шуэ со. — Нылпиослы тодон-валан сётӥськод ке, ачид но соосын ӵош дышетскиськод». Можгаысь дышетӥсьёсты дасясь колледжез йылпумъям пияш тодон-валанзэ Глазкарын будэтэ на.
    Ужам сяна, Влад мерлыко уже но пыриськыны вуэ: Можгаын дышетскыкуз ик «Шунды» огазеяськонэн тодматскем. Пияш вера «Шунды  мыным мытэм ужме азинтыны – кырӟанъёс гожъяны но соосты быдэсъяны – луонлык сётӥз. Со сяна, удмурт кылэз гажаны но азинтыны, трос тунсыко адямиосын эшъяськыны…».

    Кырӟаны, арганэн шудыны быгатонлыкез Владлэн вираз ик пыӵамын кадь. Ваньмызлы кутскон сетӥз Можга ёросысь Бадӟым Кибья гуртысь «Уӵыпи» ансамбле ветлэмез. Нош колледжын дышетскыкуз, нырысетӥ кырӟанэз но вордӥськиз, кылъёссэ но, крезьгурзэ но со ачиз кылдытъя.
Кыкетӥ курсысен егит пияш «Ӝужась кизилиос» конкурсын кужымзэ мертам, отысь нырысетӥ интыен бертэм. «Со вормон мыным луонлык сётӥз «Шундыкар» лагерен тодматскыны но… отчы выйыны, — мыня Влад. — Нылпи но, вожатой но луыса отчы вуылӥ, нош туэ крезьгуръя режиссёр луыса тырши».
    Эх! Арганэн шудӥсь пияшъёс шоры весь синмаськыса учкисько. Нош Влад ужзэ ӟеч тодэ — эктон гурез кисьтэ ке кисьтэ ни. «Киосыд жадьытозь но вылтӥд ву васькытозь ӧд шуды ке — кутсконо ик ӧвӧл!» — шуэ со.

 

IMG_1138
IMG_1138

Ми контактын