Get Adobe Flash player
АУ УР "Ӟечбур!"

Тулысмы толэз улля

Тулысмы толэз улля,

Шунды ӵемгес поталля.
Бурдоос бурд вылазы
Шунытэз ни вайизы.
Писпуос сайкалозы,
Кечсинъёс усьтӥськозы.
Шурмы, йӧзэ пильыса,
Вӧлдӥськоз возьёс кузя.
Йӧӟузыри бӧрдыса,
Шапыкъёсын викышъя.
Кельше мыным та тулыс,
Мынам кадь ик мылкыдыз.

Даша ИВАНОВА.
Юськи школа.
Завьял ёрос.

Кибашлы тон

Кибашлы тон

Бадӟым тау кариськом
Ми тыныд, анаймы!
Милемлы улон сётӥд,
Милемыз тон будэтӥд.

Шуд сӥзиськом ми тыныд,
Дуно, мусо анаймы!
Котьмае тон чидаськод,
Котькинэ но валаськод.

Кибашлы тон, анаймы,
Сюлмысь тонэ гажаськом.
Милям сюдӥсь-вордӥсьмы,
Тонэ сӥлы кариськом!

Лиза КОЖЕВНИКОВА,
Карина НИКОЛАЕВА.
Зюзино школа.

Шумпотэмон!

Тол бабай, тон лек кыӵе!
Чепыльтӥд бамме, нырме…
Мон озьы но ульчаын,
Ох! Кыӵе шумпотэмын!
Ӝоген вуоз тулысэ,
Шунтоз кезьыт лымыдэ,
Югектоз соку льӧмпу,
Нош тыныд шуӧ «Ӟеч лу!»

Павел ТРАПЕЗНИКОВ,
5-тӥ класс.
Дэбес школа.

Ӟыгыртӥ

Ӟыгыртӥ

Луд вылысь ай нырысьсэ
Адӟи сыӵе сяськаез.
Мыным кузьмаз шунытсэ,
Ӟыгыртӥ кадь анаез.
Сыӵе со мусо, чебер,
Зарни кадь ик кисьтаське.
Ӵук лысву усем бере,
Нош ик мынӥ возь вылэ.
Кылиськем, лэся, бере –
Ышем ини сяськае.
Сюлэмам маке луиз,
Анай кадь вӧзысь кошкиз.

Влада ЕФИМОВА,
6-тӥ класс.

Зюзино школа.

Кытын-о тон. Тол бабай?

***
Кытын-о тон, Тол бабай,
Кытӥ ветлӥськод далай?
Дасяй ини тыныд кылбур,
Кырӟанэ пӧрмиз ни бур.
Тон лыкты ни дорамы,
Туж зол куно каромы.
Ӵош пумиталом арез,
Ӧръялом ӟеч мылкыдмес.

Саша СОФРОНОВА.
Пуро школа.

***
Тол вуиз шаерамы,
Чеберъяз укноосты.
Дӥсятӥз шуба, пальто,
Али ӝогак, пе, кынто.
Азбаре бызьса потӥм,
Гурезьтӥ ӝог нискылтӥм.
Кезьыт баммес чепылля.
Но ум пыре, эн возьма,
Кезьытэн эн кышкатъя!

Полина СОКОЛОВА.

***
Лымы усе, лымы усе,
Музъем вылэ со пуксе.
Пиналъёсты ӧте котыраз,
Ваньзэс кыске ас бордаз.

Полина КОМАРОВА.
***
Выль ар вуиз, Выль ар вуиз,
Тол бабай ини лыктӥз.
Мон солы верай кылбур,
Со сӥзиз мыным шудбур.
Ваньмылы салам сётӥз,
Ачиз нюлэскы кошкиз.

Наташа КИБАРДИНА.

***
Туннэ милям гуртамы
Тол бабай лыктэм.
Тӧдьы мамык лымызэ
Котырак пазьгем.

***
Яратӥсько мон тонэ,
Мынам мусо тол куазе!
Яратӥсько дӧдьыен
Гурезь улэ ширтыны,
Кельшытӥсько лымылэсь
Пичи мунё лэсьтыны.

Настя МИРАЕВА.
Норья школа, Пичи Пурга ёрос.

Пичи ЗАРНИ ПЕРЕПЕЧ
Пичи ЗАРНИ ПЕРЕПЕЧ

Ми контактын