Get Adobe Flash player
АУ УР "Ӟечбур!"

Удмурт кылме яратӥсько

Удмурт кылын яратӥсько
Гожъяськыны.
Удмурт кылын яратӥсько
Вераськыны.

Кыллэн гурез сюлме пыре,
Улэ отын.
Удмурт кыллэн сюлмын дорез —
Малпанъёсын.

Небыт кылъёс, чебер чуръёс –
Со вань тынад.
Шуныт ӝытэ вераськонъёс
Пыро сюлмад.

Возь выл сяська, крезьгур но дор,
Зэмлык, бурдо…
Удмурт кылме яратӥсько.
Соин шудо!

                Наташа КЛАБУКОВА,
                УдГУ-ын дышетскись

Анай

Анай – яратоно кыл!
Анай – нырысетӥ кыл!
Анай, кыӵе тон дуно!
Анай, кыӵе тон мусо!
Кынмиськод – анай шунтэ,
Бӧрдӥськод – со лӥятэ.
Чупаськод – со ӟыгыртэ,
Вераськод – со сак кылзэ.
Анайлэсь дуно ӧвӧл
Шаерамы адями!
Анай – мынам шундые,
Анай – мынам зарние!

                Наташа ОСЬКИНА.
Кузьымгурт школа, Алнаш ёрос.

Тодӥськод-а ас кылдэ?

Удмурт кыл — дуно кыл,
Удмурт кыл — дано кыл.
Шат тон сое ӧд на кыл?
Мон адӟыто тыныд тыл!

Мар понна тон улӥськод?
Нырысь удмурт кылдэ тод!
Улонэз ӟеч валалод,
Аслыд инты но шедьтод!

          Катя ЕФИМОВА.

Мон - удмурт!

Мон — удмурт!
Данъяськисько соин.
Мон — удмурт!
Шумпотӥсько солы.
«Тау!» – шуисько
Вань удмурт калыклы —
Таӵе чебер но жингрес
Кыл вань луэмлы!
Анай-атае но удмурт,
Сузэре но выны — удмуртъёс!
Огкылысь улӥськом,
Ӵош ужаськом,
Удмурт кылмес
Гажаны дышетскиськом!

            Алина СУНГУРОВА.

 

IMG_1193
IMG_1193

Ми контактын