Get Adobe Flash player
АУ УР "Ӟечбур!"

Лымы

Лымы

Потӥ ӵукна ураме.
Уй куспын лымы усем.
Чебересь пужыосын,
Туж векчи вужеръёсын
Со берга, пуксе вылам,
Инбамлэсь вера салам.

София МИХАЙЛОВА.

 

Куака

Милям коркамы вӧзын,
Туж ӝужыт писпу йылын,
Паймыса пукиз куака:
«Лэсьтоно вал та корка».
Вай люказ, тыриз лачмыт,
Гон вӧлдӥз – луоз шуныт.
Паймыса ик учкиськӧ
Кин отын утялтӥськоз?
Кин миськоз отысь выжзэ?
Кин пӧралоз сиёнзэ?
Ма, китэк лэсьтӥз корка,
Ваньзэ быгатоз куака.

Марина КУЗЬМИНА.

 

Мунё

Шып гинэ лымы усе,
Ураме кезьыт лэзьке.
Тол бабай ӝоген вуоз,
Мыным мунё кузьмалоз.

Мыным мунё кузьмалоз,
Со ачим ӝужда луоз,
Мар косӥ, ваньзэ лэсьтоз,
Мон интые дышетскоз.

Мон интые дышетскоз,
«Витьёс» гинэ, дыр, октоз.
Эшъёсыным эшъяськоз,
Анаелы юрттӥськоз.
Анаелы юрттӥськоз…
Сое анай ушъялоз.
Ӵок, ӧвӧл кулэ мунё,
Школае ачим мыно.

Вика ЕВДОКИМОВА.
Туймыйыл школа.
Алнаш ёрос.

Бордаз кыске

Бордаз кыске

Лек сильтӧл-а пельтэ
урамын,
Шуныт зор-а коттэ
музъемез,
Шунды-а пиштэ инбамын –
Котьку вырӟытэ сюлэмез
Вордӥськем гуртэ.

Кыдёке палэнэ кошкисько ке,
Кемалы бертытэк
ӝегасько ке,
Гуртэлэсь туж мӧзмисько.
Котьку монэ бордаз кыске
Пороз гуртэ.

Валерий СЕРЕБРЯКОВ,
8-тӥ класс.
Пороз гурт, Шаркан ёрос.

Мыным дуно кокрок

Гур – коркалэн шорсюлмыз,

Шунтэ, сюдэ милемыз.
Мыным дуногес кокрок,
Пушкесэӟ кӧжы, чеснок.
Юрттӥсько пыжиськыны,
Кокрокъёсты бышканы.

Степан ИВАНОВ.
Выль Монья гурт.
Пичи Пурга ёрос.

Кужым шедьты мыняны

Кужым шедьты мыняны

 

Шундыё чагыр нунал.
Котыр лымы мальдытэ.
Толон гинэ тӧло вал,
Нош туннэ шунды пиштэ.

Тань тазьы ик улонын
Куддыръя луэ шурдыт.
Кылльыса шобрет улын
Бӧрдӥськод соку шыпыт.

Кужым шедьты мыняны,
Ачид бурдъя мылкыддэ!
Уз быгатэ лёганы,
Юн султӥд ке муз вылэ.

Кивоштӥсь луиз

Вазь ӵукна. Атас чоръя.
Шунды ненег мынекъя.
Азбаре пичи Васи
Бызьыса потӥз капчи.

Киосаз со нянь кутэм,
Кисыосаз но тырем.
Котӥз соосты вуэ –
Курег люктан табае.

Пыд дораз нош – тютюос,
Дас ненег пуштыресъёс.
Чипкето вожмаськыса,
Нянь кокчаны турттыса.

Курегъёс но вуизы,
Нянь сиыны лӧптӥзы.
Огез вылэм кокчаськись –
Сиён понна сьӧсьяськись.

Ӵуж комокез чепыльтӥз,
Нянь пырызэ кокчалтӥз.
«Кош татысь! – шуиз Вася,
Тыныд сое ӧй дася!»

Чипыосты одӥген
Сюдӥз со нянь пырыен:
Бадӟым будэлэ, пе, ӝог.
Собере шуккиз на ӵог…

Пияшлы угось туннэ
Куать арес ини тырмиз.
Пияшмы угось туннэ
Дораз кивоштӥсь луиз.

Надя УРАКОВА.
Подшивал школа, Завьял ёрос.

Туж шуныт

***
Туж шуныт та оштолэзь,
Вузэ виятэ со весь.
Пиез вордске писэйлэн,
Кучапиез – пунылэн.
Нылпиос кырын шудо,
Соин оштолэзь шудо.
Тол лэсьтӥз вал лымы ныл,
Со быриз ни, шунамын…

Аня СОФРОНОВА.
Пуро гурт.

Выжыкылысь геройёс Тол Бабай дорын куноын
Выжыкылысь геройёс Тол Бабай дорын куноын

Ми контактын