Get Adobe Flash player
АУ УР "Ӟечбур!"

КОНКУРС! "Леонтьевез буре вайыса..."

   28

Удмурт кылбурчилы но веросчилы, Пичи Пурга ёросысь Бобья-Уча гуртын вордӥськем но будэм Анатолий Кузьмич Леонтьевлы 7-тӥ январе 70 арес тырмысал. Соин валче пичиесь веросъёслы, выжыкылъёслы но кылбуръёслы конкурс ялӥськом. Анатолий Кузьмич ачиз но туж чебер суредаське вал бере, солэсь адӟем карыса, уждыя асьтэлэн ик суред но лэсьтэмды луоз. Суредаськыны яратӥсь эшъёсыныды уртче кариськыса но быдэстыны быгатоды та ужез. Конкурс 25-тӥ толсурозь кыстӥськоз. Вить вормисьёс (вормисьёс пӧлы шедем ӵош быдэстэм ужъёслэн авторъёссы кыксы ик пусъемын луозы) Данъян грамота но синпель кузьым басьтозы, кылемъёсыз – сертификат.

bord

"Гожъяны кутскись писательлэн кабинетэз"

  Г.Д. Красильниковлэн музей-юртаз ужасьёс «Гожъяны кутскись писательлэн кабинетэз» конкурс яло. Татчы пыриськыны быгатозы школаосын дышетскисьёс но студентъёс. Ужез гожтыны луоз пӧртэм жанрен, удмурт яке ӟуч кылын, электрон амалэн яке бумага вылэ печатласа. Творческой ужлэн авторез одно ик пусйыны кулэ аслэсьтыз вордскем арзэ, адрессэ, дышетскон интызэ, гожтосэз бордын ужаны юрттӥськем дышетӥсезлэсь нимтулзэ, кыӵе удысын тыршемзэ, аслэсьтыз но дышетӥсезлэсь электрон адрессэ, телефонзэ.
   Ужъёс эскериськозы, арлыдэз чакласа, чеберлыко кылэз уже кутыны, аспӧртэмлыко но лэчыт ужпумъёсты ӝутыны быгатонлыкез лыдэ басьтыса. Вормисьёс, озьы ик ваньмыз та конкурсэ пыриськисьёс, пусъемын луозы дуно но синпель кузьымъёсын.
Ӵошатскон кыстӥськоз 13-тӥ толсурозь.
Ужъёсты ыстоно таӵе адресъя:
Ижкар, М. Горький нимо ульча, 45-тӥ юрт, 18-тӥ квартира.
Телефон: 8(3412) 78-67-65,
электрон адрес: Этот адрес электронной почты защищен от спам-ботов. У вас должен быть включен JavaScript для просмотра.

bord

Ялӥськом "ВУНОНТЭМ ГУЖЕМ" конкурс

    Гужем – со котькудӥз вунонтэм. Со понна ик ми, редакциын ужасьёс, газетмы Быдӟым ож аръёсы вис каремез бере 1968-тӥ арысен выльысь потыны кутскемез дырысен та конкурсмес арлы быдэ ортчытъяськом. Туэ но тани инвожое одно ик маке но туж гожтэм потоноез, паймымонэз улонады ортчиз, дыр, ини. Нош кӧня учыръёс луозы на азьланяз – пӧсьтолэзе но гудырикошконэ! Гожъялэ, туспуктылэ, суредалэ соосты но редакцие ыстэ.

  Гужем ӵоже адӟем-кылэмдэс, ужамдэс, кытчы ке кыдёке вуылэмдэс, кытын ке куноямдэс-шутэтскемдэс, нюлэскын, возь вылын, эшъёсты пӧлын луэм тунсыко учыръёстэс гожъяны но возьматыны быгатӥськоды верос, кылбур, заметка амалэн но суред, туспуктэм пыр.
   Газетын печатласькем котькуд куинетӥез автор сертификатэн но дуно кузьымен пусъемын луоз. Озьыен, вормисьёс гинэ уз луэ – луозы шудпуйыос но! Нош конкурсэ вань пыриськемъёс пӧлын ортчытӥськоз ло-те-ре-я!
   Возьмаськом ужъёстэс, эшъёс! Гожтэтъёстэс «Вунонтэм гужем» конкурсэ шуыса пусъе.
     Конкурс кыстӥськоз 31-тӥ ГУДЫРИКОШКОНОЗЬ. bord

«Ӟечбур!»-ен – Виль сямен» – Отчы нош мыном дэмен

    Гажано лыдӟисьёсмы! Туэ асьмеды нош ик вите «ӞЕЧБУР!»-ен – ВИЛЬ сямен» ужрадмы. Кылем арын со ортчиз вал Ува ёросысь Родники гуртын. Туэ асьмеды витё Можга ёросысь пазялъёс, соослы оскимы туэ та бадӟым ужрадлы дасяськонмес. Татысь команда угось азьлояз ужрадын ассэ котыр ласянь устоен возьматӥз, чупрес эктыны, чебер кырӟаны быгатэменыз паймытӥз.        Озьы ик пумиськомы Пазялын вордскем но будэм, шаерамы дано луэм адямиосын, радъямын луозы мастер-классъёс (киужъёстэс сьӧрады кутэ – жюри дунъялоз).
  Тӥлесьтыд кулэ: пыриськыны мылкыд каремды сярысь ивортон, асьтэлэн командаеныды тодматон, одӥг кырӟан-веран яке сценка. Мылкыд карисьёс выль емышсэс вайыны быгатозы.
Озьы ик татын радъяськоз «Ӟечбур!» газетлы гожтӥськон. Эн вунэтэ сьӧрады коньдон кутыны. Та нуналэ гожтӥськемъёс кузьымъёс утозы.
   Тусьты-пуньы кутыны но эн вунэтэ, виль ӝук сиытэк медад кыле.
   Озьыен, витиськомы иворъёстэс.
   Вазиське таӵе телефонъёсъя: 8 (3412) 51-37-20, 51-39-10.bord

Школа лагерьын шутэтскись пиналъёс но сое радъясьёс!

Тӥ понна ялӥськом
«Куноын – «Ӟечбур!» конкурс-шудон 

    Конкурсэ пыриськыны луоз таӵе номинациосъя:
   1. БОРДГАЗЕТ (лагерь улонлы сӥзем бордгазетлэсь одӥг номерзэ «Ӟечбур!»-ен герӟано. Поттоно сое удмурт кылын).
  2. «ӞЕЧБУР!» ГАЗЕТЛЫ РЕКЛАМ ЛИСТ. Быдӟалаез А3-лэсь пичи медаз луы. Пуштросэз – котыр гуртъёсысь мӧйыослы, пиналъёслы нылпи газетлы гожтӥськонлэн кулэлыкез сярысь веран (сое басьтӥсьёслэн мадемзы пыр). Одно ик пусъёно газетлэсь индексъёссэ: ӝыны арлы – 54403, быдэс арлы – 12729, ватсано: газетлэсь дунзэ, кӧня толэзьлы гожтӥськемдэс чакласа, вералозы почтаын. Листовкады гуртысьтыды клуб, магазин, школа азе ошыны ярамон луыны кулэ.
Кыкезъя ик номинациосъя лэсьтэм газетъёстэс (компьютерен ке – электрон почта пыр, киын ке – туспуктыса) ыстоно «Ӟечбур!»-лэн редакцияз, кин ке сьӧры но келяны луоз. Лагерь улон, гужем сярысь усто чуръёсты ӝегатскытэк «Ӟечбур!»-ын поттылыны мед быгатомы.
   3. СЦЕНКА-ШУДОН. Вожатойёсын ӵош газетлы гожтӥськонэз радъянлы сӥзем сценка малпано, собере сое анай-атайёс азьын возьматоно.
    Ӵектӥськом таӵегес амал.

Действие ортче школа азбарын.
Шудӥсьёс: валтӥсь редактор, кылкутӥсь секретарь, корреспондентъёс, дизайнер, художник, туспуктылӥсь, лыдӟисьёс – анай-атайёс, песянай-песятайёс… (рольёс вань пиналъёслы тырмыны кулэ).
   Ӵукна. «Анай-атайёс» «юртъер» котыразы бергало. (Куазь шулдыр ке, сценкаез школа азбарын но возьматыны луоз). «Юртъерзы», валамон ини, ас манерзыя пуктэмын. Отын писэй, пуны, нылпиос (шудонъёс, мунёос но) улыны быгато.
(Тужгес устозэ шудон коркаез воспитательёс нимысьтыз дунъяло, кузьымъёс сёто).
Со дыре ик «валтӥсь редактор» вань ужасьёссэ «кабинетаз» люка но веранзэ кутске:
   – Асьмелы газетлы гожтӥськонэн герӟаськем нимысьтыз номер поттоно. Урамын – гужем, анай-атайёслэн ужзы трос, почтае ветлыны дырзы ӧвӧл. Соин ик тиражлэсь лыдзэ будэтон пумысен нимысьтыз сюлмаськоно луоз. Туннэ гуртэтӥ ветлом. Тани тӥледлы квитанциос (киын лэсьтыны луоз). Куиньзэ «корреспондентъёсты» арлы быдэ «Ӟечбур!»-лы гожтӥськисез шедьтыны но солэсь интервью басьтыны курисько. (Удмурт кылъя но литературая дышетӥсьлэсь юалляськыны луоз, яке со ачиз кинэн ке вераськыны мед ӵектоз).
   – Мынам дэмланэ вань: библиотекаысьтымы тужгес вашкалазэ газетэз шедьтоно,– ӵектэ «кылкутӥсь секретарь». – «Дизайнерен» ми отчы ветлом. Вуж газетъёслэсь макетсэс (материалъёслэсь кызьы интыяськемзэс) но ӵош учкылом.
  – Ми нош школа азбарысьтымы сяськаосты, писпуосты суредалом – «Ӟечбур!»-лы сӥзем газетмы чебер мед пӧрмоз, – шуо «суредасьёс».
– Ми «корреспондентъёсын» ӵош ветлом но туспуктэмъёс лэсьтылом, – фотоаппаратсэс (видеокамераен телефонъёссэс) дасяло «туспуктылӥсьёс».
   Ваньмызлы уж люкылэмез бере, «валтӥсь редактор» ачиз но «сюрес» вылэ потэ. «Анай-атайёс, «песянай-песятайёс» «газетын ужасьёсты» кин кызьы, котькудзы ас сяменызы, пумитало, газетлы гожтӥськемзылэсь яке гожтӥськымтэзылэсь мугзэ верало.       Ваньмыз тунсыко, улонын кадь ортчыны кулэ. Со учыръёсты сценкаын шудӥсьёс асьсэос малпало, кин кызьы син азяз пуктэ. Соин ик шудонэз кызьы ортчытон сярысь азьвылгес малпаськоно, дӥсь, шудон тӥрлык, фотоаппарат, плеер (кагазлэсь но пӧрмытыны луоз) но дасяно.
   «Редакцие» вуыса, «корреспондентъёс» калыкен пумиськылэмзы сярысь кенешыны «валтӥсь редакторлэн» «кабинетаз» люкаськыло на.
   Та сценкаез бӧрысь газетэ келяно, отын тужгес усто шудэм артистъёс сярысь заметка гожтоно. Туспуктэмъёс но луизы ке – эшшо умой.
   Я, кудӥз лагерь «Ӟечбур!»-лы сӥзем нуналэз тужгес тунсыко ортчытоз?
   Конкурс кыстӥськоз 15-тӥ гудырикошконозь. Вормисьёс Данъян грамотаосын, синпель кузьымъёсын пусъемын луозы.
   Юанъёсты кылдӥзы ке, вазиське редакцие 51-37-20, 8-950-839-21-16 (Алевтина Айманова) телефон номеръёсъя. bord

Ӟеч-а, бур-а, гужеме! (Ив.-Самарск)
Ӟеч-а, бур-а, гужеме! (Ив.-Самарск)

Ми контактын