Get Adobe Flash player
АУ УР "Ӟечбур!"

«Тулыслэн тодметъёсыз» конкурслы йылпумъян

Алёна АГИНОВА. "Сяськаяськись музъем"    Таиз конкурсмы кема ик ӧз кыстӥськы ке но, отчы пыриськисьёс тырмыт вал. Шумпоттӥзы Завьял ёросысь Шор Постол, Вылӥ Женвай, Алнаш ёросысь Выль Утчан школаосысь пиналъёс. Шӧдӥське, соосын дышетӥсьёссы ужаллям – конкурсамы пыриськыны бурдъяллям, со понна соослы ваньзылы бадӟым тау!
    Вуэм ужъёсты эскерыса, 1-тӥ интыен пусъёно кариськимы Алнаш ёросысь Выль Утчан школаысь пиналъёслэсь «Бӧрдыса, вулы пӧрмыса, асьме дорысь кошке толмы» йыръян улын потэм ужъёссэс. Конкурсэ суредъёс ыстыны куремын вал ке но, выль утчанъёслэн котькуд пичильтык заметкаязы мар ке но аспӧртэмез, тунсыкоез вань. Куазьлэн воштӥськонъёсыз шоры соос кылбурчилэн но огдыре ик суредасьлэн синмыныз учкыны быгато. Та пиналъёс ваньзы ик Данъян грамота но синпель кузьым басьтозы, дышетӥсьсы – Таукарон гожтэт.
    Кыкетӥ луиз Шаркан ёросысь Мувыр школаысь Вика Шкляева, куинетӥ – Можга ёросысь Комак школаысь Лида Васильева но Алёна Агинова. Ӟечкыласьком!
    Сертификатъёсын пусъемын луозы ваньмыз конкурсэ пыриськемъёс, нош Завьял ёросысь Вылӥ Женвай но Шор Постол школаосысь дышетӥсьёс — Таукарон гожтэтъёсын.

bord

«Шундыкар—2013»

улосвылкуспо лагере сюрон понна вожвылъяськонэ пыриськыны быгато 6—11-тӥ классъёсын дышетскись удмурт нылпиос.      

     Вожвылъяськон 9 ӧръёсъя ортче. Куронъёс:
1. Ачид сярысь гожтэт ыстонӧ нимтулдэ, вордӥськем ардэ, кыӵе классэз йылпумъямдэ, пӧртэм огазеяськонъёслэн ужазы пыриськемдэ, асэныд герӟаськон амалъёстэ пусъёно.
2. Быръем ӧръя быдэстоно но келяно:
    Суредан (7—9 кл.) – «Яратӥсько шунды ӝужан дырез» темая пӧртэм амалэн быдэстэм 3 уж;
  Литература (8—11 кл.) – аслад быръем темаедъя сценка, егит удмурт гожъясьлэн кыӵе ке кылбурезъя эскерон-дунъян уж но литературалэн куронъёсызъя кылысь кылэ берыктэм кылбур;
     Крезьгур:
— Фольклор (8—11 кл.) – кыӵе ке крезьгуро инструмент улсын яке сотэк быдэстэм удмурт калык кырӟанъёсты CD яке DVD дискъёс вылэ гожтыса, со сяна, шаертодонъя, фольклоръя «Интыысь кырӟанъёс», «Топонимика», «Крезьгуро инструментъёс», «Шудонъёс» темаосъя эскерон уж (исследование).
— Эстрада (8—11 кл.) – удмурт кырӟанъёсын кык пӧртэм видеозапись.
   Журналистика (8—11 кл.) – ёросысь тунсыко егит адямиен интервью (печатласа), элькун но ёрос газетъёсын азьвыл печатласькем 5 уж.
     Театр (7—11 кл.) – басняез, кылбурез яке спектакльысь люкетэз учкытэк лыдӟоно (CD яке DVD вылэ гожтыса келяно).
     Проектирование (9—11 кл.) – «Маин мон «Шунды» огазеяськонлы пайдаё луыны быгато?» темая эссе, проектлэсь валтӥсь малпанзэ гожтоно.
   Сюй мунё (6—8 кл.) – сюйлэсь, пластилинлэсь, ыльняньлэсь лэсьтэм ужъёсын 5 туспуктэм, отысь геройёс сярысь кылбур яке верос гожтоно, удмурт мифъёслэсь но выжыкылъёслэсь гожтон амалъёссэс чакласа.
     Дӥськут дизайн (9—11 кл.) – удмурт дӥськутлы вить эскиз.
    Видеоискусство (8—11 кл.) – видеоарт (анимация, шудон, крезьгур видео), уже одно ик пыриськыны кулэ нылпи (сценарийлэн авторез, пуктӥсь режиссёр, оператор, монтажёр яке шудӥсь луыса). Темаез – ас мылкыд каремъя, форматэӟ avi, mov, mp4 CD яке DVD-дискъёсын.
     Ужъёс кутӥськозы 28-тӥ инвожоозь. Йылпумъянъёс элькун газетъёсын но «Шундылэн» сайтаз http://udmshundy.ru 3-тӥ пӧсьтолэзь бере печатламын луозы.
     Ужъёсты келяно таӵе адресъя: 426063, г. Ижевск, ул. Орджоникидзе, д. 33а (Удмуртская молодёжная общественная организация «Шунды») яке электрон почта пыр: Этот адрес электронной почты защищен от спам-ботов. У вас должен быть включен JavaScript для просмотра..">Этот адрес электронной почты защищен от спам-ботов. У вас должен быть включен JavaScript для просмотра..
Юанъёсъя вазиськыны быгатоды таӵе телефонъя: 8 904 837 14 33 (Тронина Ольга Алексеевна).

Шундыкар 2012

bord

«Ми но, тӥ но, тӥ но ми…»

Конкурс! Конкурс! Конкурс!

    Гажано пиналъёс, А.Ф. Галактионовалэн Катя апай сярысь гожтэм азькылаз туннэ нуналэ вуныны ӧдъям кылъёс пумисько. Школаын тӥ кунмылэсь историзэ ортчиськоды, соин ик тодӥськоды, РСФСР СССР-е пыре вал шуыса. Совето Союзэ – 15 республикаосысь, РСФСР-е – уно пичиесь республикаосысь, улосвылъёсысь, округъёсысь пӧртэм кылын вераськись калыкъёс огазеяськемын вал. СССР куашкам бере РСФСР-мы нимзэ воштӥз ке но, улӥсьёсыз ӧз воштӥське. Туннэ нуналэ но Ӟуч кунамы пӧртэм калыкъёс уло. Оло, тӥляд гуртады но, удмуртъёс сяна, бигеръёс, поръёс, ӟучъёс, музон выжыысь калыкъёс уло. Гожтэ милемлы соосын артэ тупаса, ог-огеныды эшъяськыса, кулэ луыкуз юрттыса улэмды сярысь. Оло нош соослэсь пӧран, шутэтскон, маке тунсыкозэ кылдытон амалъёссэс но асэстӥды – ивортэ милемлы. Юри тӥ понна ялӥськом «Ми но, тӥ но, тӥ но ми...» конкурс. Вань мылкыд карисьёс – пиналъёс но, мӧйыос но – отчы пыриськыны быгатозы. Конкурс гудырикошкон пумозь кыстӥськоз. Куинь вормисьёс быдэн 500 манет уксёен но Данъян грамотаен пусъемын луозы, куинез синпель кузьым но Данъян грамота басьтозы.

bord

«Нылпиос — улонлэн сяськаосыз»

 nylpios     1-тӥ инвожое — Нылпиосты утён нунал. Солы сӥзьыса, «Нылпиос — улонлэн сяськаосыз» конкурс ялӥськом. Нылпиостылэсь, сузэр-вынъёстылэсь тунсыко туспуктэмъёссэс ыстоно «ВКонтакте» сайтысь «Ӟечбур!» группаысь юри дасям альбоме http://vk.com/album-25335861_172000606. Трос лайкъёс бичасьёс вормисе потозы но синпель кузьымъёсын пусъемын луозы.

     Тужгес тунсыко туспуктэмъёс газет бамын печатласькозы. 

bord

САКТЭЛЭ!

     «Ӟечбур!» газетлэн редакциез но УдГУ-ысь журналистикалэн историезъя но теориезъя кафедра журналистикаенЛоготип УдГУ тунсыкъяськись 10–11-тӥ классъёсын дышетскись удмурт пиналъёс пӧлын олимпиада ортчыто. Со кык турлэсь луоз. Нырысетӥ турын олимпиадае пыриськисьёс татын сётэм юанъёслы валэктон ыстозы. 2-тӥ турын соос пӧлысь мылкыд карисьёс, Ижкаре лыктыса, мастер-класс ортчозы, тодмо журналистъёсын но писательёсын пумиськозы. Соос пӧлысь 10 вормисьёслы газетлэн редакциез журналистика факультетэ пырыны рекомендация сётоз. Озьы ик сётэмын луоз экзаменъёс ласянь консультация.

1-тӥ турлы юанъёс:
1. Кызьы удмурт кылэ берыктоно «СМИ – средства массовой информации» валанэз?
2. Вералэ «Удмурт дунне» газетлэсь ваньзэ азьвыл нимъёссэ.
3. Кин вал «Гудыри» газетлэн нырысетӥ редакторез?
4. 2012-тӥ арын Ижевскысь Коммунаров ульчаын кинлы пуктэмын вал синпелет?
5. Литератураын кутӥсько верос, повесть, роман, кылбур, пьеса но мукет жанръёс. Вералэ, кыӵе жанръёсыз вань журналистикалэн?
6. Мар со сыӵе «Удмурт кенеш» ассоциация?
7. Кыӵе журналист шуиӟ «Люди, будьте бдительны?»
8. Кин шуиӟ «Ӟеч кивалтос та удмурт кыл!»?
9. Кыӵе газетъёсын ужаз удмурт журналист Валерий Батуев?
10. Кытын удмурт журналистикалэн кутсконэз?
11. Кыӵе калыкъёс пыро фин-угор группае?
12. Ку но кыӵе числое пусъё асьме странаын Печатьлэсь нуналзэ? Малы одно ик со числое?
    Валэктонъёстэс 15-тӥ апрелёзь ыстэ редакцие. Электрон почтамы: Этот адрес электронной почты защищен от спам-ботов. У вас должен быть включен JavaScript для просмотра.

bord

IMG_7682
IMG_7682

Ми контактын