Get Adobe Flash player
АУ УР "Ӟечбур!"

"Азвесь Дельвигез" вайиз

  Удмуртиысь калык писатель Вячеслав Ар-Серги Россиысь Дельвиг нимо «За верность Слову и Отечеству» премилэн азвесь лауреатэз луиз. Та премиез «Литературная газета» арлы быдэ сётъя.
  Ваньмыз-ӧвӧлэз 3 «зарни Дельвиг» (быдэн 1 миллион манет), 6 — «азвесь» (быдэн 500 сюрс), 6 — «туй» (быдэн 100 сюрс) но 2 — «егит Дельвиг» (250 сюрс) сётӥське.
  Вячеслав Витальевич «азвесь Дельвигез» шаерамы вайиз. Вань сюлмысьтымы ӟечкыласьком сое та бадӟым вормонэныз. Шумпотымон, асьмелэн но сыџе сӥё-дано адямиосмы вань. Нош ӟеч-а тодӥськоды, пиналъёс, Ар-Сергилэсь творчествозэ? Тодон-валанъёстэс викторина пыр эскерыны дэмласьком. Шонер валэктонъёс котькинлэсь азьло ыстӥсьлы Вячеслав Витальевич автографен книгазэ кузьмалоз.

 

Эскере тодэмдэс

 

1. Туннэ нуналлы кӧня чеберлыко книгаез вань Ар-Сергилэн:
1) удмурт кылын 7 но ӟуч кылын 7;
2) удмурт кылын 7 но ӟуч кылын 3;
3) удмурт кылын 3 но ӟуч кылын 7;
4) удмурт кылын 3 но ӟуч кылын 3?

2. Писательлэн кыџе книгаез чуваш кылэ берыктэмын:
1) «Ночные нити»;
2) «Уй вадьсын бубылиос»;
3) «Душеспи»;
4) «Пичи пи но Полкан»?

3. Кыӵе книгаеныз Вячеслав Витальевич «азвесь Дельвиг» басьтӥз:
1) «Эх, были бы крылья»;
2) «Вечерние голоса»;
3) «Вслушаться в себя»;
4) «Ночные нити»?

4. Кӧня арес вал Ар-Сергилы, калык писатель ним басьтыкуз:
1 21 арес;
2) 31 арес;
3) 41 арес;
4) 51 арес?

5. Кыџе арын со Россиысь писательёслэн союззылэн ёзчиез луиз:
1) 1980-тӥ арын;
2) 1989-тӥ арын;
3) 1992-тӥ арын;
4) 2000-тӥ арын?

Кыџе кинолэсь сценарийзэ гожтӥз:
1) «Тень Алангасара»
2) «Узы-боры»;
3) «Соперницы»;
4) «Пузкар»?

Нылпиослы удмурт кылын кӧня книгаез писательлэн:
1. кык;
2. куинь;
3. ньыль;
4. вить?

Кыӵе журналлэн со валтӥсь редакторез вал:
1. «Инвожо»;
2. «Вордскем кыл»;
3. «Кизили»;
4. «Кенеш»?

bord

IMG_1148
IMG_1148

Ми контактын