Get Adobe Flash player
АУ УР "Ӟечбур!"

Газетмы сярысь

   

  «Ӟечбур!»  –  удмурт   егитъёслы  но  пиналъёслы газет.  Потыны кутскиз 10-тӥ толшоре 1930-тӥ  арын. 1992-тӥ арозь «Дась лу!» нимын печатласькиз.
   Нырысетӥ редакторез вал 22 аресъем журналист Трофим Архипович Архипов. Быдӟым тылож вакытэ газетэз ворсазы.  Выльысь со лыдӟисьёсыз доры вуиз 1-тӥ толшоре 1968-тӥ арын. Редакторе пуктӥзы Пётр Константинович Черновез.
  Та вакытэ «Ӟечбур!»  толэзяз ньыль пол печатлаське. Куинь пол – А3, одӥг пол – А4 форматэн, ньыль буёло. Толэзьлэн кутсконаз егитъёслы сӥзем спецномер потэ.
  Газет вӧлме Удмуртие, Татарстанэ, Башкортостанэ, Марий Элэ. Гожтӥськыны луэ 12729  индексъя  быдэс  арлы но 54403 индексъя – ӝыны арлы.
  Газетлэн валтӥсь редакторез Надежда  Серафимовна Лопатина.

  Газет гожъя школа улон, нылпиослэн шутэтскемзы, дышетскемзы, фин-угор калыклэн улон-вылонэз но трос мукет ужпумъёс сярысь.
  Пиналъёслэн  тужгес  но  яратоно рубрикаоссы:  «Азьвыл юнкормы. Кин со али?», «Сётэ тунсыко юан. Вормисьлы – автограф!». «Миша+Маша», «Инкуазь но тон». Покчи лыдӟисьёсмес шумпотто Лӧбыш, Лизок, Бӧтьырна, Юмок но мукет геройёс.
  Малпаськом, анай-атайёс но, дышетӥсьёс но, пиналъёс но «Ӟечбур!» газетысь асьсэлы кельшымонзэ шедьтозы.

Кылбур лыдӟисьёслэн вожвылъяськонзы
Кылбур лыдӟисьёслэн вожвылъяськонзы

Ми контактын