Сыӵе чебер но мусо!


Вордӥськи Ош.-Юмьяын,
Со мусо потэ мыным.
Котыр сяськаос будо,
Емышъёс луо уно.
Нош Танась ошмесамы
Туж ческыт милям вумы.
Гурт калыкмы шумпотэ,
Отчы вулы со дыртэ.
Кытчы ке ке мынӥсько,
Гуртэлэсь мон мӧзмисько.
Йырам одӥг малпанэ:
Доре потэ бертэме.
Сыӵе чебер но мусо,
Туж йӧно, аспӧртэмо
Мынам вордӥськем гуртэ,
Дуно, мусо шаере!

Полина ВАСИЛЬЕВА.

Матэктэ ни тулысэд
Кузя шунды тылсиед.
Пальпотэ солы пилем.
Туж майбыр соку милем.
Ӵукналы быдэ лымы
Кулэсме но кулэсме.
Озьы тулыс дорамы
Матэктэ но матэктэ.

Данил Зайцев,
6-тӥ класс.


Шунды султэ –
нунал кутске,
Лымы вулы пӧрмытске.
Пиналъёс кырын шудо,
Бумага пыж лэзьяло…
Ӝытазе выльысь кынтэ,
Вуэз йӧлы пӧрмытэ.
«Пыж» ни сылэ интыяз –
Йӧ угось сюрес вылаз.
Лымшоре выльысь
шунтэ –
Кораблик азьлань ширтэ.
Пичи пи шумпотыса
Сьӧраз мынэ бызьыса.

Ксения МАМАТОВА.
Ошторма-Юмья школа. Кукмор ёрос.
Татарстан.

Добавить комментарий

Ваш e-mail не будет опубликован. Обязательные поля помечены *