Очерк гожтэм но

Журналистлы, гожъяськисьлы А.Ф. Павловлы туэ 65 тырмысал.
Пичи дырысеныз со лыдӟиськыны яратӥсь, котьмае тодыны тыршись вылэм, кылбуръёс гожъям. 8 классэз йылпумъяса, Юкаменскын каменщике дышетскем. Кӧня ке ужамез бере, армие басьтӥллям. Отын но гожъяськонзэ аналтымтэ. Юкаменскысь эшез сярысь ёрос газетэ очерк гожтыса келям. Собере ик сое редакцие ужаны ӧтиллям. Дышетскемез ичи шуыса егит солдат кепыр ваем но бертыса Сьӧд Ошмесаз трактористын ужаны ӧдъям. Ёрос газетлэн редакторез малпанэзлэсь куштӥськымтэ, нош ик ужаны ӧтем. Тодон-валанзэ но будэтыны дэмлам. Озьы со кӧня ке дырлы нош ик Юкаменске берытскылэм. Собере «Алнаш колхозник» газетлэн редакцияз выжем, ужан висказ УдГУ-ын дышетскем.
А.Ф. Павлов 20 ар пала Алнаш радиоын ужаз. Семьяеныз Сьӧд Ошмес гуртын улӥз, пудо вордӥз, сад будэтӥз. Ваньмон дыръяз чорыганы ветлӥз.
Арсентий Филиппович – ӵужатаелэн Ян Филиппович журналистлэн агаез. Жаляса верано, секыт висемез бере 2005-тӥ арын дядяе улонысь кошкиз. Оля нылыз атаезлэсь вань гожъямъёссэ огазе кариз.

Яна ЕРМАКОВА, 5-тӥ класс.
Усо школа, Алнаш ёрос.

Добавить комментарий

Ваш e-mail не будет опубликован. Обязательные поля помечены *