Спортэн эшъяське, бригадаен кивалтэ, гуртэз ӝутэ

Туймыйылысь ӵужатае И.Ф. Якимов тракторной бригадаен кивалтэ. Бригадаяз 37 адями. Ваньзы техникаез ӟеч валало. «Прогресслэн» ог ньыльдон пала тракторез но комбайнэз. Котькудзэ «корт валэз» ӵужатае ӟеч тодэ, дыраз тупатэ, кулэ ёзъёс шедьтэ. Со туж тыршись, ужзэ гажась но оскымон адями. 22 аресысен колхозын ужа. Школаез йылпумъяса, со Асан совхоз-техникумын тодон-валан люкам но вордӥськем гуртаз берытскем.
Иван Филиппович тодон-валанзэ ёрос но элькун кенешъёсы ветлыса но будэтэ. Со трос пумо грамотаосын, таукаронъёсын но медальёсын пусъемын. Ёрос газетамы но со сярысь ӵем гожъяло, угось бригадаысьтыз трактористъёс тулыс но сӥзьыл бусы ужъёс дыръя азьмынӥсьёс луо.
Куатьтонэз тырмиз ни ке но, ӵужатае спортэн но эшъяське. Толалтэ куас вылэ султэ, гужем велосипедэн ветлэ.
Мон туж данъяськисько но яратӥсько ӵужатайме. Музъем ужез гажась адямиос трос луизы ке, гуртъёс уз быре. Нош ми, будӥсь пиналъёс, тыршыса дышетскеменымы возьматом, песятайёсмылы но ӵужатайёсмылы оскымон кивоштӥсь луом шуыса.

Юлия ПЧЕЛОВОДОВА, 5-тӥ класс.
Варзи-Ятчи школа, Алнаш ёрос.

Добавить комментарий

Ваш e-mail не будет опубликован. Обязательные поля помечены *