Порозысь эктӥсь нылъёс

Ксюша Прохорова.

Шаркан ёросысь Пороз школаысь Ксюша Прохороваез эшъёсыз пќлысь веськрес мугорызъя ик синйылтыны луэ. Нылаш бальной эктонъёсын но спортэн тунсыкъяське. «Туж жадисько ке но, асме уг жаляськы, ас мылкыдыя котькытчы ветлыны тыршисько», – шуэ нылаш. Эктыны Ксюшаез анай-атаез Шарканэ нулло. Аслаз школаяз куасэн бызьылонъя секцие но «Быгатӥсь киос» кружоке ветлэ. «Кружокын ми чебересь киужъёс лэсьтӥськом, – веранзэ азьланьтэ со. – Анаелы вордскем нуналаз татын ик туж чебер кузьым – картина – лэсьтӥ. Сое технологиен дышетӥсьмы Анжелика Петровна нуэ. Туж лякыт со, гуртэ ужмес лэсьтыса ум вуттӥське ке, ноку уг даллашы. Урокъёсамы но, кружокын но ваньзэ рос-прос валэктэ».
Нош кызьы но ку шутэтскемез пумысен юанэлы Ксения валэктӥз: «Кӧлыны выдон азямы ми ваньмы џош: анае, атае, пичи сузэре но мон (пунымес но сьќрамы басьтӥськом) поръяны потаськом, чылкыт омырен шокаськом, жадёнмес быдтӥськом».

Лиза Титова.

Та школаысь ик Лиза Титова но эктыны яратэ. Школаысьтызы эктонъя кружоке туж мыло-кыдо ветлэ. Сое крезьгуръя дышетӥсьсы А.А. Аверкиева радъя. Со сяна, капчи атлетикая секциын бызьылыса тазалыксэ юнматэ.
Вазенгес Лиза газетэнымы но эшъяськем. Но берло дыре сое вунэтэм ни вылэм. Дышетӥсез А.П. Широбокова Выль арлы сӥзем конкурсэ кылбураса пыриськыны ӝуткам бӧрсьы, газетмес нылаш нош ик тодаз ваем.


Алеся ГЛАВАТСКИХ.

Добавить комментарий

Ваш e-mail не будет опубликован. Обязательные поля помечены *