Данъязы но, куноязы но

«Ӟечбур!»-ез быдэс семьяенымы лыдӟыны яратӥськом. «Вунонтэм гужем» конкурс сярысь ялонэз адӟыса, отчы пыриськыны мылкыдмы ӝутӥськиз. Гужем куазез туж яратӥсько, суред вылэ но пуктылӥсько. Тӥни озьы лӧптыса кык суред лэзи. Туж возьмай конкурслы йылпумъянэз. Одӥг нуналэ ӟеч ивор вуиз: сузэреным кыкнамы вормисьёс радэ сюриськеммы. Дас сизьыметӥ коньывуонэ милемыз вормисьёсты данъян ужрадэ ӧтизы. Алнаш палась ми трос кузя вылӥськеммы, соин ик нимысьтыз автобус висъязы. Кирилл вынмес но сьӧрамы басьтӥмы, гужем уго со «Сяськаос пӧлы пыри но…» конкурсын вормиз, кузьымезлы нош ӧм ветлэ на вал.

Н. Некрасов нимо библиотекаын милемыз шуныт пумитазы, пќсь чаен утялтӥзы, вормонъёсынымы њечкылазы. Удмурт Элькунысь Кун Кенешлэн депутатэз С.В. Буторин милемлы М. Горький нимо Гужем садэ вуоно арлы сертификатъёс сётъяз. «Россия» киноцент-рын кино учкеммы бере, пиццериын кунояським. Туж пайдаё но тунсыко ортчиз нуналмы. Бадӟым тау тӥледлы, «ӟечбуръёс»! Бадӟым тау, ёросысьтымы кивалтӥсьёс, автобус сётэмды понна!

Настя но Алёна СКОРОДУМОВАОС.
Ляли гурт.
Алнаш ёрос.

Добавить комментарий

Ваш e-mail не будет опубликован. Обязательные поля помечены *