Конкурсъёс

КОНКУРС! КОНКУРС! КОНКУРС!

«Парсьпилэн улон шулдыр…»

Пунылэн араз туж трос ужъёс лэсьтыса вуттӥды ни, дыр. Выль эшъёсын пумиськиды, малпанъёстэс быдэсмытӥды, асьтэды но матысь адямиостэс выль вормонъёсын шумпоттӥды. Озьыен, тау шуыса келялом тазэ ньыль пыдо эшмес, тани-тани угось Ӵуж парсьлэн арез вуоз. Солы сӥзьыса ик ялӥськом «Парсьпилэн улон шулдыр…» конкурс. 
Отчы пыриськыны ӧтиськом 6–18 аресъемъёсты. Конкурс луоз куинь номинациосъя. 

1. «Парсьпи но Выль ар». 6–9 аресъемъёслы парсьпиосты Выль арен герӟаса суредано, ужлэсь пуштроссэ пичильтык кылбур яке выжыкыл-верос пыр усьтыса. 

2. «Парсь сярысь лыдӟонъёс». 10–13 аресъемъёслы парсьпи сярысь кылбур, верос, басня, выжыкыл, былина, сценка лыдӟыса-возьматыса, видеоролик лэсьтоно. 

3. «Ӵуж парсьлэн араз мон…» 14–18 аресъемъёслы та темая видеогожтэт-усьтӥськон келяно. Кыӵеен адӟиськоды вуоно арез, мар умойзэ возьмаськоды солэсь, вань-а льӧль малпанъёсты? Марлэсь ке, оло, кышкаськоды. Вуоно арын быдэстыны чаклам ужды но вань, дыр. Малпамдыя, мар умойзэ но мар уродзэ вайыны быгатоз тӥледлы Парсьлэн арез? Видеогожтэттылэсь жанрзэ асьтэос бырйыны быгатоды. 

Огъя куронъёс: 
— нимтулэз но адресэз гожтоно; 
— школаез, классэз но арлыдэз ивортоно; 
— котькуд видеоролик борды кызьы ужамдэс возьматӥсь 3–5 туспуктэм келяно; 
— котькудӥз видеоролик кык минутлэсь кузь медаз кыстӥськы; 
— удмурт кылын быдэстэмын мед луоз. 
Ужъёсты электрон почта пыр «Парсьпилэн улон шулдыр…» конкурсэ» пусйыса келяно. 
Нош ми кузьымъёс сярысь малпаськиськом ни. 

Вожвылъяськон кыстӥськоз 20-тӥ толсурозь.